އދ. ގެ ނިއުކްލިއާ އިންސްޕެކްޓަރުން އަނބުރާ އެ ގައުމަށް ވަނުމުގެ ހުއްދަ ދެއްވާނެ ކަމަށް އީރާނުގެ ރައީސް މަސްއޫދު ޕެޒެޝްކިއާން ވަނީ ހާމަކުރައްވާފައެވެ. ރައީސް ޕެޒެޝްކިއާން މިކަން ހާމަކުރެއްވީ އެމެރިކާގެ މަޝްހޫރު މީޑިއާއެއް ކަމަށްވާ ސީބީއެސް ނިއުސް އަށް ދެއްވި ހާއްސަ އިންޓަވިއުއެއްގައެވެ.
އައިއޭއީއޭގެ އިންސްޕެކްޓަރުންނަށް ފުރުސަތު ދިނުމާ ގުޅޭގޮތުން ރައީސް ވިދާޅުވީ، އެބޭފުޅުން ވަޑައިގެން އިންސްޕެކްޝަންތައް ކުރިއަށް ގެންދަން ބޭނުންފުޅުވާނަމަ މަޝްވަރާތަކުގެ ތެރެއިން އެކަމާ ގުޅޭގޮތުން އެއްބަސްވުންތަކަކަށް އާދެވިދާނެ ކަމަށެވެ.
Advertisement
އީރާނުގެ ރައީސް މިކަން ހާމަކުރައްވާފައި މިވަނީ، އދ. ގެ ނިއުކްލިއާ އިންސްޕެކްޓަރުންނަށް އެ ގައުމުގެ ނިއުކްލިއާ މަރުކަޒުތައް ބަލައި ފާސްކުރުމަށް ހުރަސްތަކެއް ކުރިމަތިވެފައިވާ ދަނޑިވަޅެއްގައެވެ.
މި ލިޔުން ކިޔާލުމުން
