ތައިލެންޑަށް ބޯކޮށް ވާރޭވެހި ފެންބޮޑުވުމުގެ ސަބަބުން ލިބުނު ބޮޑެތި ގެއްލުންތަކާ ގުޅިގެން، އެ ޤައުމުގެ ބޮޑުވަޒީރު އަނުތިން ޗާންވިރަކުލްއަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ތަޢުޒިޔާގެ މެސެޖެއް ފޮނުއްވައިފިއެވެ.
ރައީސުލްޖުމްހޫރިއްޔާގެ މެސެޖުގައި، ފެންބޮޑުވުމުގެ ކާރިސާގައި ގިނަ ބަޔަކު މަރުވެ، އެތައް ބައެއްގެ ގެދޮރު ގެއްލި ބޮޑެތި ގެއްލުންތަކެއް ލިބުމާ ގުޅިގެން ދިވެހި ސަރުކާރާއި ރައްޔިތުންގެ ނަމުގައި ތައިލެންޑުގެ ބޮޑުވަޒީރަށާއި ސަރުކާރަށް އަދި ރައްޔިތުންނަށް އިޚްލާޞްތެރި ތަޢުޒިޔާ އަރިސްކުރައްވާފައިވެއެވެ. ޚާއްޞަކޮށް ގެނބުމާއި ކަރަންޓުގައި ޖެހުމުގެ ހާދިސާތަކުގައި ފުރާނަ ގެއްލުނު ފަރާތްތަކުގެ އާއިލާތަކުގެ ހިތާމައިގައި ބައިވެރިވެވަޑައިގަންނަވާކަން ފާހަގަކުރެއްވިއެވެ.
މީގެއިތުރުން، މި ހާދިސާގައި އަނިޔާވި ފަރާތްތަކަށް އަވަސް ޝިފާއަކަށް އެދިވަޑައިގަންނަވަމުން، ކާރިސާއިން އަރައިގަތުމަށް ކުރެވޭ މަސައްކަތްތައް އަމާންކަމާއެކު ކުރިއަށްގޮސް، ހާލުގައި ޖެހިފައިވާ ފަރާތްތަކަށް އަވަސް ތަސައްލީއެއް ލިބުމަށް އެމަނިކުފާނު އުންމީދުކުރެއްވިއެވެ.
މި ލިޔުން ކިޔާލުމުން
