ކައިވެނިކޮށްދިނުމަށް އެދި ހުށަހަޅާ ފޯމާއެކު، ކައިވެނިކުރަން ގަސްތުކުރާ ދެ މީހުންގެ ތެލެސީމިއާ ޓެސްޓު ކާޑު ހުށަހެޅުން ރާއްޖޭގެ މެޖިސްޓްރޭޓް ކޯޓުތަކުން ލާޒިމުކޮށްފިއެވެ.
މެޖިސްޓްރޭޓް ކޯޓުތަކުގެ ގަވާއިދުގެ 83 ވަނަ މާއްދާއާ ހަވާލާދީ ނެރެފައިވާ އިއުލާންތަކުގައިވާ ގޮތުން، ކައިވެންޏަށް އެދި ހުށަހަޅާއިރު ދެ މީހުންގެ ޓެސްޓު ނަތީޖާ ހުށަހަޅަންޖެހޭނެއެވެ. ނަމަވެސް، އެ ދެ މީހުންގެ ތެރެއިން އެކަކީ ތެލެސީމިއާ ވާރުތަވާ ގޮތް ނެތް މީހެއްކަން ކަށަވަރުވާ ނަމަ، ދެވަނަ މީހާގެ ޓެސްޓު ނަތީޖާ ހުށަހަޅަން ނުޖެހޭނެ ކަމަށް ބަޔާންކޮށްފައިވެއެވެ. މި އުސޫލަށް އަމަލުކުރަން ފެށުމާއެކު، މާދަމާއިން ފެށިގެން ކޯޓުތަކުން ކައިވެނިކޮށްދޭނީ މި ޝަރުތު ފުރިހަމަވުމުންނެވެ.
ކުރިންވެސް ބައެއް ކޯޓުތަކުން މިކަމަށް އަންގާފައިވި ނަމަވެސް، ބައެއް ރަށްރަށުގައި އެކަމަށް އެކަށީގެންވާ ސަމާލުކަމެއް ނުދޭކަން ފާހަގަކުރެވިފައިވާކަމަށް ކޯޓުތަކުން ހާމަކުރިއެވެ. މެޖިސްޓްރޭޓް ކޯޓުތަކުގެ ހިންގުން ހަރުދަނާކުރުމަށް އެކުލަވާލާފައިވާ އާ ގަވާއިދުގެ ދަށުން، ކައިވެނީގެ ކުރިން ތެލެސީމިއާއަށް ޓެސްޓުކުރުމުގެ ކަންކަމަށް އިތުރު ގާނޫނީ ބާރެއް ލިބިގެންދާނެއެވެ. ރާއްޖޭގައި ކައިވެނިކުރުމުގެ ކުރިން ތެލެސީމިއާއަށް ޓެސްޓުކުރުމަކީ އާންމު ސިއްހަތު ރައްކާތެރިކުރުމަށް ސަރުކާރުން ނުހަނު ބޮޑު އިސްކަމެއްދޭ ކަމެކެވެ.
މި ލިޔުން ކިޔާލުމުން
