ޤައުމެއްގެ ކުރިއެރުމާއި ދިރުން ބިނާވެފައި އޮންނަނީ އެ ބައެއްގެ މެދުގައި އުފެދޭ ޢިލްމީ އަދި ފިކުރީ ސިކުނޑިތަކުގެ މައްޗަށް ކަމަށް ފަންނާއި ސަގާފަތާއި ތަރިކައާ ބެހޭ ވަޒީރު ހީނާ ވަލީދު ވިދާޅުވެއްޖެއެވެ.
ވިލާ ކޮލެޖްގެ ދަސްވެނިވުމުގެ ޙަފްލާއެއް ޝަރަފުވެރިކޮށްދެއްވައި ވާހަކަފުޅުދައްކަވަމުން ވަޒީރު ވިދާޅުވީ، ޢިލްމަކީ ހަމައެކަނި ވަޒީފާއެއް ހޯދުމުގެ ވަސީލަތެއް ނޫން ކަމަށާއި އެއީ މުޖުތަމަޢުއަށް އަމާންކަމާއި، އުފާވެރިކަމާއި، ހަރުދަނާ އިޤްތިޞާދެއް ގެނެސްދޭ އަލިކަމެއް ކަމަށެވެ. އަދި ޢިލްމީ ރޫހެއް ބިނާކުރުމުގެ އެންމެ ބޮޑު މަސްއޫލިއްޔަތެއް އޮތީ މުދައްރިސުންނާއި ތަޢުލީމީ ދާއިރާގެ ބޭފުޅުންގެ އިސްތަށިފުޅުގައިކަން އެކަމަނާ ފާހަގަކުރެއްވިއެވެ.
ފާގަތި ޤައުމެއް ބިނާކުރުމަށްޓަކައި ޢިލްމީ ޤާބިލުކަމުގެ އިތުރުން ޤައުމީ މަސްލަހަތު އިސްކުރާ، އަޚްލާޤީ މިންގަނޑުތަކަށް ހުރުމަތްތެރިކޮށްހިތާ އަދި އެހެން މީހުންގެ ޚިޔާލަށް އިޙްތިރާމްކުރާ ބަޔަކަށް ވާންޖެހޭނެ ކަމަށް ވަޒީރު ވިދާޅުވިއެވެ. މީގެއިތުރުން، މުޖުތަމަޢުއަށް ނުކުންނަ ޢިލްމުވެރިންގެ ފަރާތުން މައުލޫމާތުގެ މުއްސަނދިކަމާއެކު ނަފްސުގެ ތެދުވެރިކަން ވެސް ފެންނަންޖެހޭނެ ކަމަށް އެކަމަނާ ވިދާޅުވިއެވެ.
މި ލިޔުން ކިޔާލުމުން
