އެމެރިކާ ނުވަތަ އިޒްރޭލުން އަލުން ހަމަލާއެއް ދީފިނަމަ، ހަނގުރާމައިގެ މައިދާން އިންޑިއާ ކަނޑާ ހަމައަށް އަދި އެއަށްވުރެ ދުރަށްވެސް ފުޅާކޮށްފާނެ ކަމުގެ އިންޒާރު އީރާނުގެ ސުޕްރީމް ލީޑަރުގެ މުޝީރު މޭޖާ ޖެނެރަލް ޔަހްޔާ ރަހީމް ސަފަވީ ދެއްވައިފިއެވެ.
ސަފަވީ ވިދާޅުވީ ފާރިސީ ކަނޑުއޮޅިން ފެށިގެން ރަތްކަނޑާ ހަމައަށް ހަމަނުޖެހުންތައް މިހާރު ފެތުރިފައިވާ ކަމަށާއި، ދެވޭ ރައްދެއްގެ ގޮތުން ހަނގުރާމަ އިތުރަށް ފުޅާވެގެން ހިނގައިދާނެ ކަމަށެވެ. އަދި ހަމަލާތައް އަލުން ފަށައިފިނަމަ ކުރިމަތިވެދާނެ އެންމެ ގޯސް ހާލަތަކަށް އީރާނުގެ އަސްކަރިއްޔާއިން ތައްޔާރުވެ ޕްލޭންތައް ހަދާފައިވާ ކަމަށްވެސް އޭނާ ހާމަކުރެއްވިއެވެ.
މީގެއިތުރުން ރަތްކަނޑުގެ އައްސޭރިފަށުގެ ސަރަހައްދުތައް ކޮންޓްރޯލް ކުރާތީ ޔަމަނުގެ ހޫޘީންނަށް ތައުރީފު ކުރައްވަމުން، އެމެރިކާއިން އާ ހަނގުރާމައެއް ފަށައިފިނަމަ ރަތްކަނޑާއި ބާބުލް މަންދަބް ހިމެނޭހެން އާ ހަނގުރާމައިގެ މައިދާނެއް ހުޅުވިގެންދާނެ ކަމަށްވެސް އޭނާ ވިދާޅުވިއެވެ.
މި ލިޔުން ކިޔާލުމުން
