އޮކްޓޯބަރު 27 ގައި ބާއްވާ އިންތިޚާބުގައި އެކުގައި މަސައްކަތް ކުރުމަށް އިދިކޮޅު ޕާޓީތަކުން އެއްބަސްވުމަކަށް އައުމާ ގުޅިގެން، އިދިކޮޅު ފަރާތްތަކަށް 63 ގޮނޑި ކާމިޔާބުކޮށް އާ ސަރުކާރެއް އެކުލަވާލެވޭނެ ކަމަށް އިސްރާއީލުގެ ކުރީގެ ބޮޑުވަޒީރު ނަފްތާލީ ބެނެޓް ވިދާޅުވެއްޖެއެވެ.
އެކްސްގައި ހާމަކުރެއްވި ބަޔާނެއްގައި ބެނެޓް ވިދާޅުވީ، 120 ގޮނޑީގެ ޕާލަމެންޓް އިންތިޚާބުގައި އިދިކޮޅު ފަރާތްތައް ގުޅުމަކީ ކާމިޔާބީއަށް މަގުފަހިވާނެ ކަމެއް ކަމަށާއި، ބޭއްވުނު ބައްދަލުވުމަށް ފަހު އިދިކޮޅު އިއްތިހާދަށް އަޣުލަބިއްޔަތު ލިބޭނެ ކަމުގެ ފުރިހަމަ ޔަގީންކަން އެބައޮތް ކަމަށެވެ.
ބެނެޓް އިތުރަށް ލިޔުއްވާފައިވަނީ: "މިރޭ އަނެއްކާވެސް އަޅުގަނޑުގެ ހިތް އާ އުންމީދަކުން ވަނީ ފުރިފައެވެ. އަޅުގަނޑުމެންނަށް 63 ގޮނޑި ކާމިޔާބު ކުރެވި، އިސްރާއީލު އިސްލާހު ކުރުމަށް އެކުގައި މަސައްކަތް ކުރެވޭނެ ކަމުގެ ފުރިހަމަ ޔަގީންކަން އެބައޮތެވެ. އިންތިޚާބާ ހަމައަށް، އިންތިޚާބު އޮންނަ ދުވަހު އަދި އިންތިޚާބަށްފަހު ވެސް ފުރިހަމައަށް އެއްބާރުލުން ދިނުމަށް އަޅުގަނޑުމެން ވަނީ އެއްބަސްވެފައެވެ."
ބެންޖަމިން ނަތަންޔާހޫގެ ސަރުކާރު ބަދަލުކުރުމަށް ރޭވިގެން ކުރިއަށްގެންދާ މި މަސައްކަތްތަކުގެ ތެރެއިން، އިދިކޮޅު ލީޑަރުން ކަމަށްވާ ބެނެޓް، ޔައިރް ލަޕިޑް، އަވިގްދޯރް ލިބަރމަން، ޔައިރް ގޯލާން އަދި ގާޑީ އެއިޒެންކޮޓް އިއްޔެ ވަނީ ގުޅިގެން މަސައްކަތް ކުރުމުގެ އެއްބަސްވުމެއްގައި ސޮއިކުރައްވާފައެވެ.
މި ލިޔުން ކިޔާލުމުން
