ދިވެހިރާއްޖޭގައި ނުރައްކާތެރި ކެމިކަލް ވިއްކުމުގެ ހުއްދަ ނެގުމަށާއި، ކެމިކަލް ގުދަންކުރާ ތަންތަން ރަޖިސްޓަރީ ކުރުމަށް ދީފައިވާ މުއްދަތު މިނިސްޓްރީ އޮފް ޑިފެންސުން އަނެއްކާވެސް އިތުރުކޮށްދީފިއެވެ.
ޑިފެންސް މިނިސްޓްރީން ކުރި އިޢުލާނެއްގައި ބުނެފައިވަނީ، ކުރިން ދިން މުއްދަތު ހަމަވިިއިރު ކެމިކަލް ވިއްކާ ފިހާރަތައް ރަޖިސްޓަރީކޮށް ހުއްދައަށް އެދުނު ފަރާތްތަކުގެ އަދަދު ނިސްބަތުން ވަރަށް މަދު ކަމަށެވެ. އެހެންކަމުން، ރާއްޖޭގައި ނުރައްކާތެރި ކެމިކަލް ވިއްކާ ފަރާތްތަކުން "ކެމިކަލް ވިއްކުމުގެ ހުއްދަ" ނެގުމަށާއި، ކެމިކަލް ގުދަންކުރާ ތަންތަން "މަކުޑި ޕޯޓަލް" މެދުވެރިކޮށް ރަޖިސްޓަރީ ކުރުމުގެ މުއްދަތު މިއަދުން ފެށިގެން އިތުރު އެއް މަސްދުވަހަށް ވަނީ ބޮޑުކޮށްދީފައެވެ.
އަލަށް ދިން މުއްދަތުގެ ތެރޭގައި ރަޖިސްޓަރީ ނުކޮށް ކެމިކަލް ވިއްކާ ފަރާތްތަކާމެދު، ނުރައްކާތެރި ކެމިކަލާބެހޭ ގަވާއިދުގެ ދަށުން ފިޔަވަޅު އަޅާނެ ކަމަށް ޑިފެންސް މިނިސްޓްރީން ވަނީ އިންޒާރު ދީފައެވެ. އަދި ގަވާއިދާ ހިލާފުވާ ފަރާތްތަކަށް ކުރިއަށް އޮތް ތަނުގައި ނުރައްކާތެރި ކެމިކަލް ރާއްޖެ އެތެރެކުރުމުގެ ހުއްދަ އިތުރަށް ނުދެވޭނެ ކަމަށްވެސް އެ ވުޒާރާއިން ހާމަކުރެއެވެ.
މި ލިޔުން ކިޔާލުމުން
