ކޫރިއާ މެދުވެރިކޮށް ރާއްޖެ އެތެރެކުރަން އުޅުނު 11.75 ކިލޯގެ ކެނަބިސް އަތުލައިގެންފި

ކޫރިއާ މެދުވެރިކޮށް ރާއްޖެއަށް އެތެރެކުރަން އުޅުނު ގިނަ އަދަދެއްގެ މަސްތުވާތަކެތި މޯލްޑިވްސް ކަސްޓަމްސް ސާވިސްއިން ވަނީ އަތުލައިގެންފައެވެ.

ކަސްޓަމްސްއިން ހާމަކުރި ގޮތުގައި، މި އޮޕަރޭޝަނުގައި އަތުލައިގަނެވިފައިވަނީ ޖުމްލަ 11.75 ކިލޯގެ ކެނަބިސްއެވެ. މި ތަކެތި އަތުލައިގަތީ 2026 ސެޕްޓެންބަރު 7 ވީ ދުވަހު ރާއްޖެ ގެނެސްފައިވާ ދެ ޕެކޭޖެއް ބަލައިފާސްކުރުމުގެ ތެރޭގައި، މަސްތުވާތަކެތި ފޮރުވާފައި ހުރިކަމަށް ޝައްކުކުރެވިގެން ހިންގި ހާއްސަ ޗެކްކުރުންތަކުގެ ތެރެއިންނެވެ.

ފުރަތަމަ މަރުހަލާގައި ކުރެވުނު ތަހުލީލުތަކުން މި ތަކެތި ކެނަބިސްއަށް ޕޮޒިޓިވްވެފައިވާއިރު، މި މައްސަލަ އިތުރަށް ތަހުގީގުކުރުމަށްޓަކައި އަތުލައިގަނެވުނު ތަކެތި މިހާރު ވަނީ ދިވެހި ފުލުހުންގެ ހިދުމަތާ ހަވާލުކުރެވިފައެވެ.

މި ލިޔުން ކިޔާލުމުން