ޗަސްބިމުގައި އުޅޭ ކަކުނި ފަލަކޮށް ބޮޑުކުރުމުގެ މަޝްރޫއެއް ރާއްޖޭގައި ހިންގުމަށް ފުރަތަމަ ފަހަރަށް ހުއްދަދީފިއެވެ.
ފިޝަރީޒް މިނިސްޓްރީން މި "މަޑް ކްރެބް ފެޓަނިން" މަޝްރޫއު ހިންގުމުގެ ހުއްދަ ދީފައިވަނީ މެރިޓޯލް ޕްރައިވެޓް ލިމިޓެޑް ކިޔާ ކުންފުންޏަކަށެވެ. ގދ. ފިޔޯރީގައި ހިންގާ މި މަޝްރޫއުގެ މައިގަނޑު މަގުސަދަކީ އެ ރަށުގެ "ކުޅިޔެ ވަޅަގަނޑޭ" ކުޅިން ނަގާ ކުދި ކަކުނި، ހާއްސަ ކޮށިތަކެއްގައި ބަލަހައްޓައިގެން ވިޔަފާރި އުސޫލުން ބާޒާރަށް ނެރެވޭ ފެންވަރަށް ތަރައްގީކުރުމެވެ.
މި މަސައްކަތުގެ ދަށުން، މަސް މަދު ނުވަތަ ތޮށި މަޑުކޮށް ހުންނަ 80 ގްރާމާއި 550 ގްރާމާ ދެމެދުގެ ކަކުނި ހޮވައި، އެއް ސޮރު އަނެއް ސޮރަށް ހަމަލާދިނުން ހުއްޓުވުމަށް ވަކިވަކި ކޭޖުތަކުގައި ނުވަތަ ފޮށިތަކުގައި ރައްކާތެރިކަމާއެކު ބަލަހައްޓައެވެ. އަދި ޕްރޮޓީން ގިނަ ކުދިމަހާއި ބޯވަދިލަމަހުގެ ބައިތައް ކާނާގެ ގޮތުގައި ދީގެން، 15 ދުވަހާއި 40 ދުވަހާ ދެމެދުގެ ކުރު މުއްދަތެއްގެ ތެރޭގައި ކަކުނީގެ މަސް ގިނަކޮށް ތޮށި ހަރުކޮށް، ބާޒާރުގައި އޭގެ އަގުބޮޑު އުފެއްދުމަކަށް ބަދަލުކޮށް ނެރެވޭނެއެވެ.
މި ލިޔުން ކިޔާލުމުން
