ފަހު ވަގުތު ޖެހި ލަނޑުން މެންޗެސްޓާ ޔުނައިޓެޑަށް ޕޮއިންޓެއް

އިނގިރޭސި ޕްރިމިއާ ލީގުގައި ކްރޭވަން ކޮޓެޖްގައި މެންޗެސްޓާ ޔުނައިޓެޑާއި ފުލަމް ބައްދަލުކުރި މެޗު 1-1 އިން ވަނީ އެއްވަރުވެފައެވެ.

ދެ ޓީމުން ވެސް ފުރަތަމަ ހާފުގައި ނުރައްކާތެރި ހަމަލާތަކެއް އުފެއްދި ނަމަވެސް އެއްވެސް ލަނޑެއް ނުޖެހި ނިމުނު މި މެޗުގައި ފުލަމްއިން ލީޑު ނެގީ 63 ވަނަ މިނެޓުގައި ލިސަންދްރޯ މާޓިނޭޒް އަތުން ބައިކޮޅަށް ވަން ލަނޑުންނެވެ.

ނަމަވެސް މެޗުގެ 89 ވަނަ މިނެޓުގައި ކޫންޏާ ފޮނުވާލި ހަމަލާއެއް ފުލަމް ކުޅުންތެރިއެއްގެ ގައިގައި ޖެހި ގޯލަށް ވަދެ ޔުނައިޓެޑުން ވަނީ ނަތީޖާ އެއްވަރުކޮށްފައެވެ.

މި ނަތީޖާއާއެކު މެންޗެސްޓާ ޔުނައިޓެޑް ފަސް ޕޮއިންޓާއެކު ތާވަލުގެ 12 ވަނައިގައި އޮތްއިރު، ދެ ޕޮއިންޓް ލިބިފައިވާ ފުލަމް އޮތީ ތާވަލުގެ 19 ވަނައިގައެވެ.