ޑެސްޓިނޭޝަން ޕްރިންސިޕަލްގެ އުސޫލުން ޓީޖީއެސްޓީ ނެގުމާ ގުޅޭގޮތުން ޢަމަލުކުރަމުންދާ ޤާނޫނަށް ވަރަށް އަވަހަށް ބަދަލުތަކެއް ގެންނަވަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިފިއެވެ.
ޤައުމީ ފަތުރުވެރިކަމުގެ ދުވަސް ފާހަގަކުރުމަށް ބޭއްވި ޖަލްސާގައި ވާހަކަދައްކަވަމުން ޓޫރިޒަމް މިނިސްޓަރ މުޙައްމަދު އަމީން ވިދާޅުވީ، މި ނިންމެވުން ނިންމެވީ ފަތުރުވެރިކަމުގެ ސިނާޢަތުގެ އިސް ފަރާތްތަކާއި ޓްރެވަލް އެޖެންޓުންގެ ފަރާތުން ރައީސަށް ހުށަހެޅުއްވި ކަންބޮޑުވުންތަކާއި ރިކުއެސްޓްތަކާ ގުޅިގެން ކަމަށެވެ.
މިދިޔަ އޮގަސްޓް މަހުގެ 31 ގައި ރައީސް ތަސްދީގުކުރެއްވި މި ބިލުގެ މައިގަނޑު މަޤްޞަދަކީ ރާއްޖޭގައި ޑެސްޓިނޭޝަން ޕްރިންސިޕަލް ތަންފީޒުކޮށް، އޯފްޝޯ ބުކިން ޕްލެޓްފޯމްތަކާއި، ފޮރިން ޓުއާ އޮޕަރޭޓަރުންނާއި، ޓްރެވަލް އެޖެންޓުން ފޯރުކޮށްދޭ މުދަލާއި ޚިދުމަތުން ޖީއެސްޓީ ނެގުމެވެ. މި ނިޒާމުގެ ސަބަބުން ދައުލަތުގެ އާމްދަނީއަށް ބޮޑު ކުރިއެރުމެއް ލިބޭނެ ކަމަށް ލަފާކޮށްފައިވާއިރު، މިދިޔަ ބުރާސްފަތި ދުވަހުން ފެށިގެން މި ޤާނޫނުގެ ދަށުން ޓީޖީއެސްޓީ ނަގަން ވަނީ ފަށާފައެވެ.
ނަމަވެސް، ޢަމަލުކުރަންޖެހޭ މުއްދަތާއި އެހެނިހެން ސަބަބުތަކާހުރެ ސިނާޢަތުގެ ފަރާތްތަކަށް ބޮޑެތި ކަންބޮޑުވުންތަކެއް ހުރުމާއެކު، އެކަންކަމަށް ޙައްލެއް ހޯއްދަވައިދެއްވުމުގެ ގޮތުން ޤާނޫނަށް އަވަސް އިސްލާހުތަކެއް ގެނައުމަށް ސަރުކާރުން މިހާރު ވަނީ ނިންމާފައެވެ.
މި ލިޔުން ކިޔާލުމުން
