ފުލުހުންގެ ބެލުމުގެ ދަށުގައި ހުރި ގިނަ އަދަދެއްގެ ބަނގުރަލާއި އެފަދަ ތަކެތި ދޫނިދޫގައި ނައްތާލައިފިއެވެ.
މި ތަކެއްޗަކީ ފުލުހުންނަށް ހުށަހެޅުނު މަސްތުވާތަކެއްޗާއި ބަނގުރަލުގެ މައްސަލަތަކުގެ ތެރެއިން ތަޙުލީލު މަރުޙަލާ ނިމިފައިވާ 25 މައްސަލައެއްގައި ހިމެނޭ ތަކެއްޗެވެ. މީގެ އިތުރުން، ޑްރަގް އެންފޯސްމަންޓާއި، ޓޫރިސްޓު ޕޮލިސް އަދި ހުޅުމާލެ ޕޮލިހުގެ ބެލުމުގެ ދަށަށް، ވަކި މީހަކަށް ތުހުމަތުކުރެވޭކަށް ނެތްގޮތަށް ރިޕޯޓުކުރެވުނު 29 އިންސިޑެންޓެއްގައި ހިމެނޭ ބަނގުރާވެސް މި އޮޕަރޭޝަނުގައި ވަނީ ނައްތާލާފައެވެ.
މިއަދު ދޫނިދޫގައި ނައްތާލާފައިވަނީ ބްރޭންޑެޑް ފުޅީގެ 188 ފުޅި ބަނގުރަލާއި، ޕެޓް ފުޅީގެ 152 ފުޅި ބަނގުރަލާއި، 105 ދަޅު ބިޔަރުގެ އިތުރުން ޕްލާސްޓިކް ކޮތަޅާއި ހުސްދަޅު ފަދަ 17 އައިޓަމެކެވެ.
މި ތަކެތި ނައްތާލާފައިވަނީ ފުލުހުންގެ ބެލުމުގެ ދަށަށް ގެނެވޭ ބަނގުރަލާއި އެފަދަ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި ޢަމަލުކުރާނެ ގޮތުގެ ޤަވާއިދުގެ ދަށުން، އެކަމަށްޓަކައި ޚާއްޞަކޮށް އެކުލަވައިލި ކޮމިޓީގެ ބެލުމުގެ ދަށުންނެވެ. މީގެއިތުރުން، ޅ. ނައިފަރު ފުލުހުންގެ ބެލުމުގެ ދަށުގައި ހުރި ބަނގުރަލާއި އެފަދަ ތަކެތި ވެސް ސެޕްޓެމްބަރު 28 ވަނަ ދުވަހު ވަނީ ނައްތާލާފައެވެ.
މި ލިޔުން ކިޔާލުމުން
