ރާއްޖޭގެ ދިރުންތަކުގެ ނަސްލުތައް ހިމާޔަތްކުރުމާއި ތިމާވެށި ރައްކާތެރިކުރުމުގެ ޤައުމީ ސިޔާސަތުތައް އިތުރަށް ހަރުދަނާކުރުމުގެ ގޮތުން، މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާއާއި ޔުނައިޓެޑް ނޭޝަންސް ޑިވެލޮޕްމަންޓް ޕްރޮގްރާމް އާ ދެމެދު އެއްބަސްވުމުގެ ލިޔުންތަކުގައި މިއަދު ސޮއިކޮށްފިއެވެ.
މި އެއްބަސްވުމުގެ ދަށުން ކުރިއަށް ގެންދިއުމަށް ހަމަޖެހިފައިވަނީ ގްލޯބަލް އެންވަޔަރަންމަންޓް ފެސިލިޓީ ގެ އެހީގައި ހިންގާ ޚާއްޞަ މަޝްރޫޢުތަކެކެވެ. މީގެ މައިގަނޑު ބޭނުމަކީ ރާއްޖޭގެ ސިނާޢީ އަދި ތިމާވެށީގެ ނާޒުކު ނިޒާމުތައް ރައްކާތެރިކޮށް، ސިޔާސަތުތައް ޒަމާނީ ފެންވަރަށް އަދާހަމަކުރުމެވެ.
މި މަޝްރޫޢުގެ ދަށުން ކުރިއަށް ގެންދިއުމަށް ނިންމާފައިވާ މައިގަނޑު ކަންތައްތަކުގެ ތެރޭގައި ރާއްޖޭގެ 'ނެޝަނަލް ބަޔޯޑައިވަރސިޓީ ސްޓްރެޓެޖީ އެންޑް އެކްޝަން ޕްލޭން' މުރާޖަޢާކޮށް އަދާހަމަކުރުމާއި، ކޮންވެންޝަން އޮން ބަޔޮލޮޖިކަލް ޑައިވަރސިޓީ އަށް ރާއްޖެއިން ހުށަހަޅަންޖެހޭ 7 ވަނަ ޤައުމީ ރިޕޯޓު ތައްޔާރުކުރުން ހިމެނެއެވެ. މީގެއިތުރުން، ތިމާވެށީގެ ދިރުންތައް ހިމާޔަތްކުރުމަށް ބޭނުންވާ މާލީ ވަސީލަތްތައް ހޯދުމަށާއި ދެމެހެއްޓެނިވި ގޮތެއްގައި އެކަންކަން ކުރިއަށް ގެންދިއުމަށް 'ބަޔޯޑައިވަރސިޓީ ފައިނޭންސިންގ ޕްލޭން' އެކުލަވާލުންވެސް ހިމެނެއެވެ.
މި އެއްބަސްވުމަކީ ރާއްޖޭގެ ނާޒުކު ތިމާވެށި ރައްކާތެރިކޮށް، ދުނިޔޭގެ ފެންވަރުގައި ތިމާވެއްޓަށް ގެންނަންޖެހޭ ހެޔޮ ބަދަލުތަކަށް އެއްބާރުލުން ދިނުމުގެ ގޮތުން ދިވެހި ސަރުކާރުން ކުރަމުންދާ މަސައްކަތްތަކަށް ލިބުނު މުހިންމު ކުރިއެރުމެކެވެ.
މި ލިޔުން ކިޔާލުމުން
