މޯލްޑިވްސް ޒަކާތު ހައުސްއިން އިންތިޒާމުކުރާ "އިންޓަރނޭޝަނަލް ޒަކާތު ކޮންފަރެންސް މޯލްޑިވްސް (އިންޒެކް) 2026" ގައި ބައިވެރިވުމުގެ ފުރުޞަތު މިހާރު ވަނީ އާންމުކޮށް ހުޅުވާލައިފައެވެ. މިއީ ޖެހިޖެހިގެން މި ކޮންފަރެންސް ބާއްވާ ތިންވަނަ އަހަރެވެ.
28 އޮކްޓޫބަރު 2026 ގައި ބޭއްވުމަށް ހަމަޖެހިފައިވާ މި ކޮންފަރެންސަކީ މާލީ އަދި އިޖުތިމާޢީ ގޮތުން ނާޒުކު ޙާލަތްތަކުގައިވާ ފަރާތްތަކަށް ކުރިމަތިވާ ގޮންޖެހުންތަކާ މެދު މަޝްވަރާކޮށް، ވަރުގަދަ އަދި ވިލުންވެރި މުޖުތަމަޢެއް ބިނާކުރުމުގައި ޒަކާތުގެ ދައުރާ މެދު ފުޅާ ދާއިރާއެއްގައި ޚިޔާލު ބަދަލުކުރުމަށް ބާއްވާ ބައްދަލުވުމެކެވެ. މި ކޮންފަރެންސްގައި ދީނީ ޢިލްމުވެރިންނާއި، އިޤްތިޞާދީ ތަޖުރިބާކާރުންނާއި، ސިޔާސަތުތައް ކަނޑައަޅާ ފަރާތްތަކުގެ އިތުރުން މާލީ އިދާރާތަކާއި މަދަނީ ޖަމްޢިއްޔާތަކުގެ މަންދޫބުން ބައިވެރިވާނެއެވެ.
މިއަހަރުގެ ޝިއާރު: މިއަހަރުގެ ކޮންފަރެންސް ޚާއްޞަކޮށްފައިވަނީ "ރެޒިލިއަންޓް ފައުންޑޭޝަންސް: ޑިސައިފަރިންގ ވަލްނަރަބިލިޓީ، އިކޮނޮމިކް އިމްޕެކްޓް، އެންޑް ކޮލާބޮރޭޓިވް ސޭފްޓީ ނެޓްސް އިން މޮޑަން ސޮސައިޓީޒް" މި ޝިޢާރުގެ މައްޗަށެވެ.
ކޮންފަރެންސްގެ މުހިންމު ބައިތައް: ޚާއްޞަ ކީނޯޓް އެޑްރެސްތަކުގެ އިތުރުން ތަފާތު ދާއިރާތަކުގެ މާހިރުން ބައިވެރިވާ ޕެނަލް މަޝްވަރާތައް ކުރިއަށްދާނެއެވެ. އަދި އަލިއަޅުވާލެވޭނެ މުހިންމު މައުޟޫޢުތަކުގެ ތެރޭގައި:
- ގޭބިސީތަކުގެ ނާޒުކު ޙާލަތްތަކަށް އަންނަ ބަދަލުތައް
- މާލީ ދަތިތަކުގެ ސަބަބުން އިޤްތިޞާދަށް ކުރާ އަސަރުތައް
- ތަފާތު ދާއިރާތަކުގެ މެދުގައި މަޢުލޫމާތު ބަދަލުކުރުމާއި، ގުޅިގެން ރައްކާތެރިކަމުގެ ނިޒާމުތައް ޤާއިމުކުރުން
- އެހީތެރިކަން ބޭނުންވާ ޢާއިލާތަކަކީ އަމިއްލަ ފައިމައްޗަށް ތެދުވެފައިވާ މާލީ މިނިވަންކަން ލިބިފައިވާ ބަޔަކަށް ހެދުމަށް ބޭރު ޤައުމުތަކުގައި ބޭނުންކުރާ ނަމޫނާ ތައް
ރަޖިސްޓްރީވުން: މި ކޮންފަރެންސްގައި ބައިވެރިވާން އެދޭ ފަރާތްތަކުން އޮންލައިން ފޯމު (https://forms.gle/BnrtbMVErg1GVyZaA) މެދުވެރިކޮށް މިހާރު ރަޖިސްޓަރީ ކުރެވޭނެއެވެ.
މި ލިޔުން ކިޔާލުމުން
